Kryetari i partisë Demokratike, Sali Berisha ka shprehur ngushëllimet për tragjedinë në Seul të Koresë së Jugut, ku për shkak të shtypjes nga turma e madhe në festën e Halloween humbën jetën mbi 150 persona, pjesa më e madhe të rinj.
Gjatë një postimi në rrjetet sociale, Berisha solidarizohet me familjarët që kanë humbur fëmijët e tyre dhe lutet për shërim të shpejtë të të plagosurve.
“Një tragjedi e vërtetë në festën e Halloëeen në Seul!
Të dashur miq,
Mbi 150 persona kanë vdekur dhe mbi 80 janë plagosur në një shtypje masive të masës së madhe të njerëzve që po festonin Halloween-in në Seul në Korenë e Jugut.
Me këtë rast, i shpreh ngushëllimet me të ndjera familjeve të viktimave që humbën jetën në këtë tragjedi të rëndë, si dhe autoriteteve të vendit dhe lutem për shërimin e plotë të të plagosurve”, shkruan Sali Berisha.
