Tirana po bën një sezon pozitiv në Kategorinë Superiore. Bardheblutë renditen në vendin e dytë pas 10 ndeshjesh dhe janë në ndjekje të Partizanit.
Rreth edicionit, futbollistëve të veçantë, të rejave në shtëpinë e kryeqytetasve foli drejtori sportiv i Tiranës, Tefik Osmani, në një lidhje me Sport News në News 24.
“Kukësi dhe fitorja 4-1– Fitorja ka shumë rëndësi kur vjen nga një humbje. Ky 3-pikësh na ka kënaqur të gjithëve. Asgjë nuk ka qenë e lehtë ndaj tyre, edhe pse vinin nga një humbje. Arma jonë e fortë është grupi.
Xhixha- Do na vinte mirë që ato raste Offside të mos ishin të tilla. Ai është shumë i rëndësishëm për ne. Unë e kam thënë që si Xhixha apo edhe disa lojtarë të tjerë, kemi patur oferta për ta, por do jetë e vështirë për t’u larguar.
Trajneri Shehi dhe grupi- Asnjë trajner nuk është i kënaqur. Ju keni 2 trajnerë në studio dhe me siguri nuk janë të kënaqur. Unë e kam thënë edhe më përpara që nuk janë të lehta këto arritje të trajnerit Shehi. Lojtarët duan kohë që të përshtaten.
Rivalët dhe tabela- Kampionati shqiptar është mjaft i fortë. Shumë njerëz kanë thënë mendimine tyre se kush e fiton, por nuk i dihet deri në fund. Rivali jonë është ekipi. Nuk dua t’i heq asnjë meritë asnjë kundërshtari. Ky është një kampionat mjaft i vëshirë, me 2 humbje mund të biesh shumë poshtë. U bënë disa vite që kampionati ndahet dy ose 3 javët e fundit “ – Tha ai.
