Pasi u konfirmua në postin e kryetarit të Partisë së Lirisë, Ilir Meta e nis ditën me një mesazh falënderimi për të rinjtë që organizuan dje Konventën e Parë e Partisë së Lirisë.
Meta ka postuar në rrjetet sociale një video nga fjalimi i djeshëm, teksa thekson se tashmë Partia e Lirisë ka një program të qartë për zhvillimin e shpejtë dhe të qëndrueshëm të vendit.
Reagimi nga Ilir Meta:
“Një falenderim të përzemërt për të gjithë të rinjtë e mrekullueshëm që organizuan Konventën e Parë të Partisë së Lirisë.
Mirënjohje të gjithë delegatëve për votëbesimin dhe urime të gjithë anëtarëve të Komitetit Drejtues Kombëtar që u zgjodhën.
Tani kemi një Program të qartë për zhvillimin e shpejtë dhe të qëndrueshëm të vendit.
Përfaqësimi i merituar dhe cilësor i të rinjve, një garanci më shumë që Shqipëria u përket të rinjve!”
