Kryetari i PD-së, Sali Berisha shprehet se tarifa 4 herë më e lartë për mbi 800 kw/orë është tatim i jashtëzakonshem mbi konsumatorët.
Ai thotë se çmimi është diktuar nga vjedhjet e Ramës.
“Jo tatimit te jashtezakonshem mbi konsumatoret! Te dashur miq, tarifa 4 here me e larte per mbi 800 kw ore eshte tatim i jashtezakonshem mbi konsumatoret. T’i vendosesh konsumatoreve privat nje cmim 4 deri ne 5 here me te larte po qe se ata tejkalojne kufirin prej 800 kwh ne muaj, nuk eshte nje cmim por absolutisht nje tatim i jashtezakonshem mbi shqiptaret. Ky nuk eshte nje cmim i caktuar nga mekanizmat e tregut, por nje cmim i diktuar nga vjedhjet e Edi Rames. Ai po tallet me durimin dhe nervat e shqiptareve. Te gjithe ne kembe me 12 nentor kunder Edi Rames”, shkruan kreu i PD-së në një reagim në rrjetet sociale.
Enti Rregullator i Energjisë, njoftoi dje se duke nisur nga data 1 Nëntor, do të hyjë në fuqi zbatimi i çmimit të rritur të energjisë elektrike, për konsumin mbi nivelin e 800 kilowat/orëve në muaj.
Për të gjithë abonentët familjarë që konsumojnë mbi këtë nivel, çmimi i parashikuar është ai prej 50.4 lekësh (42 lekë + Tvsh), për çdo kilowat/orë, disa here më i lartë se tarifa bazë aktuale prej 11.4 lekësh (9.5 lekë + Tvsh).
