Pak para nisjes së Konventës së PL, kreu i saj Ilir Meta deklaroi se sot do të prezantohet programi politik i partisë dhe statuti i saj.
Në fjalën e tij para gazetarëve, Meta deklaroi se synimi i PL është që Shqipëria ti përkasë të rinjve e të rejave të vendit.
Sa i takon garës për kreun e PL, duke qenë se është i vetmi kandidat në garë, ai u shpreh se ky është një tregues i simpatizantëve të partisë për lidershipin e tij.
“Unë falenderoj komitetin organizator që përfundoi misionin e tij para 30 minutash, për një punë të mirë që ka bërë gjatë këtyre muajve. Sot do të votojnë të gjithë në mënyrë të fshehtë. Nuk shpikim dot kandidat dhe nuk bëjmë dot gara fiktive. Ky është një tregues i simpatizantëve të PL për lidershipin tim dhe unë do ta vlerësoj maksimalisht. Sa i përket Këshillave Bashkiak, 50% e kandidatëve do të jenë të rinj e të reja”, tha ai.
