Kryeministri, Edi Rama bashkë me ministren Belinda Balluku dhe ministren e Bujqësisë Frida Krifca kanë zhvilluar ditën e sotme një takim me fermerët e Bulqizës.
Fermerët kërkuan nga qeveria uljen e çmimit të naftës dhe ndërtimin e stallave, ndërsa ministrja Krifca tha se në programin e radhës të qeverisë do merren masa në mbështetje të tyre. Rama theksoi nga ana tjetër se po të mos ishte për punën e qeverisë kjo zonë nuk do njihej për prodhimet e saj të bollshme.
Rama: Së pari më lejoni që të përmend disa të dhëna nga zona, se janë të jashtëzakonshme, për të cilën përveç jush dhe nesh që e kemi për shkak të detyrës nuk dinë gjë. Ka njerëz që nuk e njohin fare këtë zonë, kur shohin punën nga tv me siguri do thonë se në Bulqizë ka vetëm ca skllevër që mbledhin krom nëpër kodra, sepse ky është realiteti i tv, sepse nga aty po dalin sajesa, helm e manipulime. Në këtë zonë ne kemi 1144 hektarë të mbjellë me dridhëra, patate, perime, fasule, vreshta e rrënjë mollësh, dardhë, etj.
