Mbrëmjen e djeshme, në zonën e Kodrës së Diellit në Tiranë, mbeti i plagosur me armë zjarri Jonian Shehu. Shkak i konfliktit thuhet të ketë qenë zhurma që shkaktonte djali 3-vjeçar i autorit të plagosjes, Olsi Bllaci.
Ka qenë bashkëshortja e të plagosurit e cila është përfshirë e para në një debat me Shehun. Sipas saj, djali 3-vjeçar i familjes Shehu shkaktonte zhurmë, duke shqetësuar djalin e saj 2-vjeç, i cili ishte në gjumë. Më pas, gruaja është ankuar tek bashkëshorti i saj dhe i ka treguar gjithashtu se komshiu e ka ofenduar.
Pasi dëgjoi këtë nga partnerja e tij ka nisur edhe konflikte mes dy burrave ku autori ka nxjerr armën e zjarrit tip pistoletë, të cilën e mbante pa leje dhe ka qëlluar me dy plumba komshiun. Plumbat e kapën një në bark dhe një në këmbë. Ndodhet i shtruar te Spitali i Traumës jashtë rrezikut për jetën.
Autori menjëherë është arratisur nga banesa, teksa është shpallur në kërkim dhe po punohet për arrestimin e tij.
