Skandaloze në Kukës! Djegia e gomave të përdorura ka krijuar një re e madhe tymi e smogu, i cili ka përfshirë aksin kombëtar Kukës- Prizren, pjesë të rrugës së Kombit. Tymi ka shkaktuar probleme edhe tek banorët e fshatrave Kodër Lumë, Muje e Shtiqën.
Prej më shumë se një ore flakët dhe tymi vijojnë në përmasa “apokaliptike” duke vështirësuar së tepërmi frymëmarrjen e banorëve të zonave për rreth.
Kjo situatë ka shkaktuar shqetësime të shumta tek banorët e zonave përrth, ndërsa autoritetet vendore ende nuk kanë bërë asnjë reagim.
