Një 30-vjeçar është arrestuar nga policia në Elbasan pasi ishte shpallur në kërkim për transportimin e 7 emigrantëve të paligjshëm në kufi.
Pollicia bën me dije se 30-vjeçari, i identifikuar si P. Ç., banues në Poliçan, Berat, transportonte emograntë kundrejt fitimit.
“30-vjeçari u shpall në kërkim, pasi transportonte kundrejt fitimit, me automjetin e tij, 7 emigrantë nga vendet e treta, me qëllim kalimin e paligjshëm të kufirit. Ky shtetas, duke përfituar nga kushtet e errësirës, mbrëmjen e datës 12.09.2022, u largua menjëherë nga vendngjarja sapo evidentoi mbërritjen e punonjësve të Policisë”, bëjnë me dije uniformat blu.
Materialet procedurale i kaluan Prokurorisë pranë Gjykatës së Shkallës së Pare Elbasan, për veprime të mëtejshme.
