Prokuroria e Posaçme kërkon 4 vite e 6 muaj burg për ish-gjyqtaren e Korçës, Mimoza Margjeka. Ndërkohë 4 vite burg kërkohet per Arben Caren, 3 vite për Skënder Demirin, 3 vite për Klaudio Zhillën dhe 1.2 vite burg për Nejon Balin.
Margjeka është paraqitur sot pranë kësaj strukture, ndërkohë që është nën akuzë për korrupsion për lirimin e një të paraburgosuri.
Konkretisht nga SPAK, gjyqtarja akuzohet për veprën penale “korrupsion pasiv të qytetarëve, prokurorëve dhe funksionarëve të tjerë të organeve të drejtësisë”.
Sipas SPAK, të pandehurit Nejton Bali, Klaudjo Zhilla dhe Skënder Demiraj, se i ka dhënë Margjekës, ndërkohë që ushtronte funksionet në Gjykatën e Apelit Korçë, nëpërmjet bashkëshortit të saj, Arben Carës, një shumë parash prej 6 000 eurosh.
Kjo shumë parash, referuar hetimeve, është dhënë me qëllim ndryshimin e masës së sigurimit nga ajo e “arrestit në burg” në atë të “garancisë pasurore” për Orion Balin, i cili është arrestuar për veprën penale të “Ndihmë për kalim të paligjshëm të kufijve”.
Gjyqtarja Margjeka ka mohuar gjithnjë akuzat.
