Një ngjarje e rëndë ka ndodhur në Menemeni të Selanikut, ku një 41-vjeçar, është gjetur i vdekur me plagë në kokë pranë babait të tij.
Sipas raportimit të Thestival, vrasja ka ndodhur në orën 19:00, në një banesë në katin e dytë të një pallati në rrugën Omirou.
“Djalin e gjeta të vdekur dhe bashkëshortin pa ndjenja”, ka deklaruar nëna e viktimës.
Babai u konsiderua si i dyshuari kryesor për kryerjen e vrasjes. Provat e mbledhura nga policia nuk tregojnë praninë e një personi të tretë në vendin e krimit.
Fqinjët raportuan se babë e bir kishin debate të ashpra pothuajse çdo ditë gjatë javës së kaluar. Rasti po shqyrtohet nga policët e Departamentit të Krimeve Kundër Jetës në Drejtorinë e Sigurimit të Selanikut.
