Autoriteti Rrugor Shqiptar (ARRSH) ka njoftuar këtë të enjte se për shkak të punimeve për projektin e rehabilitimit të segmentit rrugor mbikalimi i Pallatit me Shigjeta-rrethrrotullimi Shqiponja Loti 3 në Tiranë, do të devijohet trafiku në këtë aks.
Nisur nga data 29.10.2022 do të kryhet devijimi i trafikut i ndarë në dy faza.
“Automjetet që kanë destinacion Durrësin dhe aeroportin, pas daljes nga rrethrrotullimi i Mbikalimit të Pallatit me Shigjeta në drejtim të rrugës “Teodor Keko”, do të devijojnë djathtas duke përdorur karrexhatën e re të rrugës dytësore të Lot-it 3 dhe do të kenë akses në autostradë konkretisht në km 1+744, 200m para nënkalimit të “O-Zone”. Për automjetet që vijnë nga mbikalimi i Pallatit me shigjeta aksi kryesor nuk do të ketë ndryshim lëvizje.
Kohëzgjatja e punimeve në rrugën kryesore është parashikuar të zgjas për një periudhë 15-ditore”, njofton ARRSH.
Ndërsa pas përfundimit të fazës së parë, ARRSH njofton se do të paraqesë edhe planin e Menaxhimit të Trafikut Faza e Dytë, i cili është parashikuar të zgjasë për një periudhë 3-javore.
