Kryetari i PD-së Sali Berisha dhe kreu i PL-së, Ilir Meta u shprehën të sigurtë në fitoren e zgjedhjeve lokale të 14 majit.
Të pyetur a do të mbajnë përgjegjësi nëse humbasin, Berisha tha se marrëveshjet me të janë vetëm fitore, ndërsa Meta shtoi me ironi se fitorja vjen dhe nëse do kenë Lulzim Bashën kandidat.
“Me Bashën vetëm humbje ka pasur. Me Berishën marrëveshjet janë vetëm fitore. Dëshmia më flagrante është incidenti Basha.”- tha Berisha.
“Madje fitore duke pasur kandidat Bashën. Ka përfunduar njëherë e mirë koha kur rezultati i ndeshjes trukohej nga Rama para se ajo të fillonte. Kjo është një ndeshje e vërtetë, është ekzistenciale për qytetarët tanë. I shohim efektet e shpopullimit, janë të tmerrshme. Është shume e qartë kush është i tmerruar nga kjo marrëveshje. Është një ndeshje jo vetëm për sot, por edhe për të ardhmen.“- tha Meta.
