Vladimir Putin i ka dërguar sot një tjetër sinjal kërcënues Perëndimit, teksa u shfaq live duke ndjekur ndjekur momentin kur Rusia simuloi një “sulm masiv bërthamor” me lëshime praktike të raketave balistike dhe të lundrimit.
Kreu i Kremlinit vëzhgoi nga distanca stërvitjen vjetore, të quajtur ‘Grom’ ose ‘Thunder’, e cila përdor lëshimet testuese të raketave për t’i bërë forcat bërthamore të Moskës që të tregojnë forcën përkundrejt “armiqve”.
Ministri i Mbrojtjes Sergei Shoigu i raportoi Putinit se stërvitjet kishin për qëllim të simulonin një ‘sulm masiv bërthamor’ hakmarrës nga Rusia.
Stërvitjet përfshinin testimin e një rakete balistike ndërkontinentale “Yars” me bazë tokësore nga baza e Plesetsk dhe lëshimin e një “ICBM Sineva” nga një nëndetëse bërthamore ruse në Detin Barents, vetëm dhjetë milje larg nga brigjet e Norvegjisë anëtare të NATO-s.
Si pjesë e stërvitjes, bombarduesit strategjikë Tu-95 lëshuan gjithashtu raketa lundrimi në objektivat e praktikës.
Manovrat pasuan paralajmërimin e Putinit për gatishmërinë e tij për të përdorur “të gjitha mjetet në dispozicion” për të shmangur sulmet në territorin e Rusisë, duke iu referuar arsenalit bërthamor të vendit.
Kremlini tha se të gjitha detyrat e vendosura për stërvitjen u përmbushën dhe të gjitha raketat që u testuan arritën objektivat e tyre të përcaktuara.
Stërvitje të tilla që përfshijnë komponentë tokësor, detar dhe ajror janë zhvilluar çdo vit për të trajnuar forcat bërthamore të vendit dhe për të demonstruar gatishmërinë e tyre.
Administrata e Biden tha të martën se Rusia njoftoi se synonte të organizonte stërvitje rutinë të aftësive të saj bërthamore. Pentagoni dhe Departamenti Amerikan i Shtetit thanë se Rusia kishte respektuar kushtet e marrëveshjes së fundit SHBA-Rusi për kontrollin e armëve në njoftimin e Uashingtonit për testet e ardhshme.
