Regjisori Eduard Grishaj ka treguar së fundmi se si është të punojë me Arbana Osmanin në filmin e tij të ri “Sofia”.
Grishaj zbuloi se nuk e ka aspak të lehtë të punojë me partneren e tij pasi ajo bën shumë dubla. Ajo do të luajë rolin e saj ku do të moderojë emisionin ‘Dua të të bëj të lumtur”. Sipas tij, Arbana kishte menduar se do të ishte diçka e lehtë por ndodhi e kundërta.
“Nuk ishte e lehtë fare për të punuar me Arbanën, sepse nga prezantimi në aktrim ajo mendoi se ishte e thjeshtë, por nuk është edhe aq. Është e vështirë të kesh Arbanën aktore, sepse bën shumë dubla. Arbana luan veten e saj në emisionin e vet. Çfarë nuk i thosha dhe çfarë nuk më thoshte”- tha ai i ftuar në “Euronews”.
Grishaj theksoi se Arban është kritikuesja më e madhe: “Njeriu më i afërt që kam është Arbana, e cila më ka kritikuar më shumë. Ato që më ka thënë i kam rregulluar”.
