Një sëmundje vdekjeprurëse po i mundon pëllumbat dhe po i kthen në ‘zombi’ në Britani, duke përhapur panik në mbarë ishullin.
Autoritetet janë vendosur në gatishmëri të lartë për t’i mbrojtur ata pasi sëmundja po përhapet shpejt dhe shkakton simptoma të tmerrshme që nuk kanë shërim.
Tani për tani, sëmundja është shfaqur në Jersey dhe shumica e pëllumbave të infektuar janë vrarë, ndërsa autoritetet shëndetësore të Britanisë kanë frikë nga transmetimi te llojet e tjera të shpendëve.
Tashmë, strehimoret e kafshëve kanë paralajmëruar për shpërthimin e paramyxovirusit , sëmundja virale që është “gjithmonë fatale”.
Por çfarë është paramyxovirus?
Sëmundja specifike që prek pëllumbat është murtaja e shpendëve ose sëmundja e Neëcastle dhe shkaktohet nga një paramyxovirus , i cili pushton zogjtë dhe i vret ata.
Megjithatë, para se të ngordhin zogjtë humbasin peshë me shpejtësi, kanë diarre të rëndë me ngjyrën e gjelbër karakteristike, nuk mund të fluturojnë apo lëvizin krahët e tyre, dridhen dhe qafa e tyre përdridhet në kënde krejtësisht të pazakonta.
Megjithëse virusi nuk është i rrezikshëm për njerëzit, ai është fatal për zogjtë , duke i vrarë ata brenda disa ditësh.
