Partia Demokratike vazhdon me organizimin e brendshëm, ndërsa sot janë zgjedhur edhe 3 drejtuesit e tre departamenteve.
Lajmin e ka bërë të ditur në Facebook, nënkryetari i PD-së, Oerd Bylykbashi.
Reagimi i Oerd Bylykbashit:
Drejt përfundimit përzgjedhja e drejtuesve të departamenteve të PD!
Ky proces na mundëson t’u ofrojmë shqiptarëve alternativen më përfaqësuese dhe të hapur ndaj shoqërisë.
– Prof. As. Klodian Muço u zgjodh drejtues i Departamentit të Ekonomisë;
– Prof. Dr. Liljana Elmazi u zgjodh drejtuese e Departamentit të Sipërmarrjes, Zhvillimit të Biznesit dhe Inovacionit;
– Dr. Artan Pogoni u zgjodh drejtues i Departamentit të Sportit.
U uroj suksese kolegëve dhe anëtarëve të departamenteve me bindjen që me integritetin dhe profesionalitetin e tyre do të jenë aset për Partinë Demokratike.
Angazhimi i tyre intelektual në këto momente kritike është shpresë për shqiptarët!
