Një shqiptar ka vrarë një person me nënshtetësi marokene në sheshin Libertà në komunën e Cornaredo.
Mediat italiane raportojnë se i vdekur ka mbetur 45-vjeçari Abderrahimi Elkharmoudi, me precedentë për shpërndarje droge.
Viktima ndodhej brenda makinës së tij në mes të rrugës, i qëlluar me dy plumba. Shqiptari, i cili kishte armën në dorë, para se ta vriste marokenin, ulëriti: Kështu mëson të respektosh gratë.
Elkharmoudi shfaqet duke u zënë me një vajzë dhe më pas një person tjetër që e pret jashtë. Shqiptari sheh 45-vjeçarin që del, afrohet për të diskutuar, largohet, e më pas kthehet përballë lokalit me armë në dorë. Më pas e qëllon.
45-vjeçari, i cili fillimisht mbeti i plagosur, nxjerr një thikë për t’u mbrojtur, më pas hipën në makinë për t’u larguar. Ai vdiq pak kohë më pas teksa ishte në timon.
Autoritetet mësohet se kanë mundur ta identifikojnë shqiptarin, i cili aktualisht ndodhet në kërkim. Hetuesit thonë se shqiptari ishte i lidhur emocionalisht me vajzën në fjalë, megjithatë nuk jepen detaje të tjera për këtë lidhje.
