Partia Demokratike dorëzoi këtë të Martë në Kuvend një projektligj për reformën territoriale. Drafti u depozitua në Kuvend nga Oerd Bylybashki, i shoqëruar nga deputetë të tjerë demokratë. Në një prononcim për mediat, Bylykbashi ka theksuar se PD kërkon një reformë të re territoriale me 97 bashki, teksa shtoi se ndarja aktuale territoriale prej 61 bashkish është një dështim.
Në fillim të muajit grupimi Alibeaj ka depozituar një tjetër propozim për reformën territoriale. I pyetur pse nuk u arrit që PD të dërgojë një nismë të vetme ligjore, deputeti Bylykbashi tha për gazetarët se ka ende kohë për të gjetur dakordësinë në Parlament.
“Më e rëndësishmja është që të jenë komunitetet që e ndjen ë veten të respektuara dhe që iu është dhënë pushteti atyre. Sigurisht që këtë fazë të hartimit të këtij projektligji, morëm kohë për të bashkëbiseduar me kolegët. Ata zgjodhën qëndrimin për të shkuar me një projektligj të tyrin, por siç e thashë, të dy ndryshojnë shumë pak nga njëra tjetra, sa i përket ndarjes territoriale”, tha ai.
Bylykbashi deklaroi gjithashtu që, nëse grupimi Alibeaj bashkon votat me shumicës, ai dhe kolegët e tjerë nuk do ta votojnë projektligjin.
“Asgjë që lëviz dukshëm nga propozimi që bëjmë sot nuk mund të marrë mbështetjen tonë, sepse do të ishte diçka që nuk kërkojnë qytetarët”, u shpreh.
