Prioriteti nuk duket se ka ndryshuar. Një sulmues i djathtë për Milan-in, nevoja për t’i dhënë më shumë cilësi një reparti që nuk është ndihmuar deri tani nga De Ketelaere, i cili ka pasur shumë vështirësi për t’u përshtatur.
Në pritje për të kuptuar se çfarë do të bëhet me portugezin dhe kur (dhe nëse) belgu do të demonstrojë të gjithë talentin e tij, Milan-it i mungon një pjesë për të kompletuar treshen e mesfushorëve sulmues.
Sigurisht në të djathtë ka Saelemaekers dhe Junior Messias të gatshëm për t’i lënë vendin një vendin njëri-tjetrit, por Maldini dhe Massara kanë kohë që kërkojnë një profil që mund të japë më shumë cilësi.
Kjo shpjegon këmbënguljen me të cilën emri i Asensio përmendet në orbitën e kuqezinjve, edhe pse spanjolli pëlqehet nga shumë klube duke konsideruar skadimin e kontratës.
Drejtuesit e kuqezinjve po presin mundësinë e duhur për goditjen e madhe, por po shikojnë edhe profile që janë më në përputhje me projektin e tyre bazuar edhe tek të rinjtë.
Në këtë kuptim ka një emër që tashmë është lidhur me Milan-in në të kaluarën dhe që tani mund të rikthehet në modë. Në gjuetinë për të gjetur kampionët e ardhshëm, Milan-i ndoqi nga afër rritjen e Michael Olise.
Njëzet vjeç, i lindur në vitin 2002, sulmues i djathtë te Crystal Palace, ai u përfol për një transferim të mundshëm te kuqezinjtë disa sezone më parë, kur ishte ende te Reading. Ndryshimi i ekipit nuk e ndryshoi talentin e tij dhe Olise u tregua një djalë i ri me një perspektivë të madhe.
Një profil i përshtatshëm për projektin e Milan-it të fokusuar te të rinjtë. Një ide për t’u vlerësuar, emri i duhur për krahun e djathtë të kuqezinjve mund të vijë nga Anglia.
