Një aksident ka ndodhur në Skrapar, ku një makinë ka përplasur një fēmijë përpara shkollës 9-vjeçare, duke e plagosur.
Ka qënë mjeti tip Ford me targa AA 579 OD që e ka goditur fëmijën kur po kalonte me vrap rrugën për të hyrë në shkollë.
I plagosuri Deni D., 8 vjeç, nxënës i klasës së dytë në shkollën 9-vjeçare të Skraparit, është transportuar drejt Spitalit Rajonal të Beratit, ndërsa raportohet se ka dëmtime të rënda në të dyja këmbët.
Sipas mjekëve të Spitalit Rajonal të Beratit, fëmija aktualisht ndodhet në sallën e operacionit, ku po i nënshtrohet një ndërhyrjeje kirurgjikale.
Në vendngjarje kanë shkuar forca policie, që po kryejnë edhe këqyrjen e vendit të ngjarjes, për të hedhur dritë mbi shkaqet e aksidentit.
Drejtuesi i mjetit Anuel Bregu, 44-vjeç, është shoqëruar në polici, ku edhe do të merret në pyetje në lidhje me aksidentin.
