Kreu i SPAK, Arben Kraja, në fjalën e tij për gazetarët, është shprehur se prokurorët kanë në dorë dosje ‘të nxehta’ me zyrtarë e ish-zyrtarë të lartë shtetërorë.
I pyetur nëse do të ketë arrestime të bujshme, Kraja tha se shumë emra janë nën hetim dhe se po vijohet me procedurat, por nuk dha asnjë detaj.
Pyetje: A do të kemi ndonjë peshk të madh për kohën që ju do të jeni drejtor i SPAK?
Kraja: Prokurorët e SPAK po punojnë përditë edhe sot kishte një njoftim për përfundimin dhe dërgimin për gjykim për një çështje shumë të rëndësishme për shkelje të pronave publike ku është sekuestruar një sipërfaqe e konsiderueshme në bregdet që do ti rikthehet shtetit.
Pyetje: Ka dhe dosje të tjera që po hetohen prej 3 vitesh, do ketë përfundim?
Kraja: Ka shumë dosje që janë nën hetim, do të vijojmë me procedurat. Kemi shumë dosje të nxehta, mes tyre dhe të zyrtarëve dhe ish-zyrtarëve të lartë shtetërorë, dhe normalisht që ka patur kërcënime.
