Legjenda e Manchester United, Michael Carrick, gjen një punë të re si trajner dhe do të drejtë Middlesbrough. Pasi udhëhoqi “Djajtë e Kuq” për disa javë në sezonin e kaluar para ardhjes së Rangnick, kjo është prova e tij e parë e vërtetë.
Middlesbrough ka arritur një marrëveshje me ish-mesfushorin dhe Carrick tashmë ka firmosur. Pas një merkatoje të rëndësishme të verës për të synuar Premier League, kësaj skuadre iu desh të përballej me një fillim të trazuar të kampionatit.
Trajneri i deri tanishëm Chris Wilder u shkarkua pasi grumbulloi vetëm pak pikë në fillim të kampionatit të ChampionShip.
Vetë Wilder ia ka dalë disa edicione më parë të arrij sukses, duke rikthyer në Premier League Sheffield United pas disa vitesh.
“Jam shumë i emocionuar që jam këtu dhe jam pjesë e një klubi me një histori dhe traditë kaq të madhe”, tha Carrick pas zyrtarizimit.
