Presioni mbi supet e Milanit është i madh, teksa kuqezinjtë e Piolit janë duke u përgatitur për një ndeshje vendimtare të Ligës së Kampionëve kundër Dinamo Zagrebit ditën e nesërme.
Milanistët aktualisht janë të tretët në Grupin E me katër pikë, dy më pak se vendi i dytë Salcburg dhe tre pas kryesuesve të Çelsit. Humbjet e njëpasnjëshme ndaj bluve e lënë Milanin në një pozitë të pasigurt me dy ndeshje në grup për të luajtur dhe ata do të jenë të detyruar për rezultate pozitive kundër Dinamo Zagrebit dhe Salzburgut më pas.
E vetmja mënyrë që Milani mund të garantojë kualifikimin në raundin e 16-të të Ligës së Kampionëve është me fitore ndaj Dinamo Zagrebit dhe Salcburgut.
Humbja ndaj skuadrës kroate, por mposhtja e austriakëve do të bënte që kuqezinjtë të vareshin nga Çelsi, që duhet të fitonte të dyja ndeshjet e mbetura për të rezervuar një kualifikim në fazën e eliminimit direkt për Milanin.
Skenari më i ndërlikuar është një fitore dhe një barazim; nëse Milani fiton në Zagreb, ata do të kenë nevojë që Çelsi të mundë Salcburgun nesër përpara një barazimi të mundshëm javën e ardhshme.
