Dhjetëra mijëra njerëz u mblodhën në Berlin për t’u solidarizuar me demonstratat antiqeveritare në Iran për vdekjen e Mahsa Amini, e cila u arrestua nga policia e moralit për shkelje të rregullave të veshjes së hixhabit.
Policia e Berlinit vlerësoi se rreth 40 mijë njerëz kishin demonstruar, raportoi AP.
Protestuesit mbanin flamuj iranianë dhe shenja që kritikonin liderët e vendit. Në shumë pankarta shkruhej “Gratë, jeta, liria” në anglisht dhe gjermanisht.
Demonstrata, e organizuar nga Kolektivi i Lirisë së Grave, filloi në Kolonën e Fitores në parkun Tirgarten të Berlinit dhe vazhdoi me një marshim nëpër qendrën e Berlinit.
Qytetarët që erdhën në Berlin nga pjesë të tjera të Gjermanisë, si dhe nga vende të tjera evropiane, morën pjesë në demonstrata, sipas AP.
