Shumë qytetarë janë habitur pasditen e sotme kur kanë vënë re një parullë sipër mbikalimit pranë zonës së njohur si “Pallati me shigjeta” në Tiranë. Parulla ishte e një madhësie të konsiderueshme aq sa për t’u lexuar nga shoferët dhe kalimtarët.
Por ajo që tërhoqi më tepër vëmendjen ishte teksti i shkruar në të. Një vajzë i deklaronte hapur dashurinë e saj një “qerosi”, të shoqëruar edhe me një zemër të madhe të kuqe. Ndërsa poshtë kishte një pyetje për të, nëse ai do të zgjidhte Anglinë apo vajzën? Teksti ishte shkruar me rimë: “Qeros të dua, Anglinë apo mua”?
