Erzeni e ka mbyllur në avantazh pjesën e parë përballë Tiranës. Për skuadrën nga Shijaku realizoi Kahrimanoviç me penallti në minutën e 14-të.
Nonato gjuan me kokë, Përgjoni prek topin me dorë dhe shijakasit kërkojnë një tjetër penallti. Gjyqtari shkon vetë të shohë pamjet në monitor dhe jep penallti ndërsa mesfushori 23-vjeçar nuk fal duke mposhtur Bekajn.
Ndërkohë në minutën e 37-të, bardheblutë kishin një rast të pastër për të barazuar shifrat. Ismajlgeci nga e majta çekuilibron mbrojtjen e Erzenit që lë shumë bardheblu të vetëm para Xhikës. Por pasimi i tij në qendër për Hilën gjuhet në mënyrën më të gabuar të mundshme nga ky i fundit dhe topi përfundon jashtë.
