Një tjetër legjionar i kombëtares shqiptare të futbollit pritet të bëjë hapin e madh të karrierës në Seria A.
Bëhet fjalë për Nedim Bajramin, i cili pritet të përfshihet në një shkëmbim midis Empolit dhe Juventusit, ku “Zonja e Vjetër” pritet të lëshojë Matias Soule.
Bardhezinjtë janë në kërkim të një fantazisti që të organizojë lojën në mesfushë dhe cilësitë që u duhen janë individualizuar te futbollisti kuqezi, duke parë se Leandro Paredes nuk ka pasur impaktin që pritej.
Empoli sigurisht që ka aprovuar menjëherë idenë për të biseduar transferimin që në merkaton e dimrit, por shifra, e cila nevojitet është 10 milionë euro.
Tratativa pritet që të finalizohet me huazim me të drejtë blerjeje në fund të këtij sezoni.
Ndërkohë, Soule është një nga talented më në zë të “Zonjës së Vjetër” dhe pavarësisht se është vetëm 19 vjeç, mbetet pjesë e ekipit të parë me besimin e Allegrit.
Mëngjarashi i pëlqen shumë Empolit që kërkon një sulmues anësor dhe nëse Soule pranon që të transferohet në “provincë” për të bërë më shumë minuta dhe për të fituar më tepër eksperiencë në elitën e Serisë A.
Ky kalim i Bajramit do të ishte një arritje personale për të por edhe për Kombëtaren kuqezi, duke hedhur pas krahëve dështimin e tratativave për një kontratë me Fiorentinë në verë.
Ylli kuqezi në këto 10 javë kampionat për sezonin 2022-2023 ka qenë protagonist te Empoli duke dhuruar 5 asiste dhe shihet si një regjizor i denjë për ekipin nga Torino.
