“Mos më bëj mua numra”, Rama i “tërheq veshin” fëmijës në Fier

Kryeministri Edi Rama ndodhet sot në Fier, ku po zhvillon një takim me të rinjtë e qytetit.

Teksa po fliste për arsimin dhe punësimin, Ramës nuk i shpëton një gjest i një adoleshenti që ishte prezent në takim.

Ndërsa ishte duke duartrokitur, i riu kthen kokën dhe qesh me bashkëmoshatarët, veprim i cili siduket e ka ‘bezdisur’ Ramën, duke i thënë adoleshentit ‘mos bëj më numra’.

Pjesë nga biseda e Ramës me adoleshentin:

“Mos më duartrokit mua dhe më kthehesh andej duke qeshur, mos ma fut kokën në kapuç, sepse po të erdha të kap është më keq. Hajde, hajde. Nejse ik ulu atje dhe mos bëj më numra. Me siguri e ka dhe ai një talent, por sa ta zbulojë.”