Mesditën e djeshme Policia Kufitare e Durrësit finalizoi operacionin e koduar “Eurot” duke zbuluar shumë e konsiderueshme prej 522 mijë euro, të fshehura në tavanin e një autobusi që vinte nga Bari.
Gjatë aksionit në fjalë u arrestua shoferi, njëherësh edhe pronari i autobusit Elidin Çela dhe dy ndihmësit e tij D. K., 36 vjeç, banues në Tiranë dhe A. C., 32 vjeç, banues në Elbasan.
Pas kryerjes së arrestimeve dhe numërimit të parave, autoritetet duket se e kanë përqëndruar hetimin në zbulimin e origjinës së tyre dhe çelësi kryesor për të mbërritur aty duket se është pronari 32-vjeçari i autobusit.
Çelës i është marrë dëshmia paraprake nga Uniformat Blu, por ai ka refuzuar të japë shpjegime në momentin e ndalimit.
“Kërkoj avokatin tim mbrojtës. Vetëm në prani të tij do të flas për policinë”, mësohet të ketë thënë 32-vjeçari.
Por hetuesit e çështjes janë të bindur se Çela di më shumë për vendin e origjinës të gjysmë milioni euro që u gjetën në autobusin e tij.
