Presidenti ukrainas Volodymyr Zelenskiy i bëri thirrje Perëndimit që të paralajmërojë Rusinë që të mos shpërthejë digë të madhe në pjesën jugore të Ukrainës e cila do të shkaktonte përmbytje katastrofike.
Zelenskiy tha në një fjalim televiziv se forcat ruse kishin vendosur eksplozivë brenda digës së madhe Nova Kakhovka, e cila mban një rezervuar të madh. Ata po planifikojnë ta hidhnin në erë për të mbuluar tërheqjen e tyre.
“Tani të gjithë në botë duhet të veprojnë fuqishëm dhe shpejt për të parandaluar një sulm të ri terrorist rus. Shkatërrimi i digës do të nënkuptonte një katastrofë në shkallë të gjerë. Ky duhet të jetë parimi kryesor, për të vepruar në mënyrë parandaluese kundër kërcënimeve të sigurisë, ky duhet të jetë parimi kyç i politikës ndërkombëtare. Pasojat për Rusinë duhet të jenë korresponduese”, ka thënë Zelensky.
Sergei Surovikin, komandanti i forcave ruse në Ukrainë, tha se forcat ukrainase kishin përdorur tashmë raketat HIMARS të furnizuara nga SHBA kundër saj, në atë që zyrtarët ukrainas e quajtën një shenjë që Moska mund të planifikojë ta hedhë vetë në erë dhe të fajësojë Kievin.
Shpërthimi i digës mund të përmbysë vendbanimet duke përfshirë pjesën më të madhe të qytetit të Khersonit, të cilin forcat ukrainase shpresojnë ta rimarrin në një kundërofensivë. Gjashtë persona janë plagosur në një sulm rus në qytetin e Kharkiv.
Një seri shpërthimesh janë raportuar gjithashtu në qytetin juglindor të Ukrainës në bregdetin e komunitetit Kutsurub, Zaporizhzhia por pa viktima. Ndërsa forcat ruse janë përballur me pengesa në fushën e betejës që nga shtatori, Kremlini anashkaloi një pyetje nëse Presidenti Vladimir Putin kishte dhënë apo jo një urdhër që forcat ruse të tërhiqeshin nga Kherson.
Irani thelloi përfshirjen e tij në pushtimin rus të Ukrainës duke ofruar mbështetje teknike për pilotët rusë. Ministria e Jashtme e Iranit këshilloi qytetarët e saj të mos udhëtojnë në Ukrainë ndërsa i kërkoi iranianëve që jetojnë atje të largoheshin nga vendi.
