Pas takimit me ambasadorët e shteteve të QUINT-it në Prishtinë, kryeministri i Kosovës, Albin Kurti, zhvilloi një bisedë telefonike me Përfaqësuesin e Lartë të BE-së për Punë të Jashtme dhe Siguri, Josep Borrell.
Sipas mediave të Kosovës Kurti dhe Borrell folën për procesin e dialogut, mbarëvajtjen e tij, për përmbajtjen e kornizës themelore të marrëveshjes, si dhe për njohjen reciproke që duhet të ketë mes Kosovës e Serbisë nëse normalizohen marrëdhëniet.
“Kryeministri Kurti u shpreh se paqja dhe siguria në njërën anë dhe sundimi i ligjit dhe demokracia në anën tjetër shkojnë bashkë kudo në Kosovë”- thuhet në njoftimin e dalë nga kryeministria e Kosovës.
