Cristiano Ronaldo u pezullua nga klubi i Manchester Unitedit për ndeshjen ndaj Chelseat në fundjavë.
Kjo vendim i klubit anglez, erdhi pasi portugezi nuk pranoi të futej në lojë në minutat e fundit ndaj Tottenhamit dhe u largua nga fusha para përfundimit të ndeshjes.
Lidhur me vendimin e klubit, ka reaguar edhe vetë pesë herë fituesi i Topit të Artë:
“Siç kam bërë gjithmonë gjatë karrierës sime, përpiqem të jetoj dhe të luaj me respekt ndaj kolegëve, kundërshtarëve dhe trajnerëve të mi.
Kjo nuk ka ndryshuar. Nuk kam ndryshuar. Unë jam i njëjti person dhe i njëjti profesionist që kam luajtur për 20 vitet e fundit duke luajtur futboll elitar dhe respekti ka luajtur gjithmonë një rol shumë të rëndësishëm në procesin tim të vendimmarrjes.
Fillova shumë i ri, shembujt e lojtarëve më të vjetër dhe më me përvojë ishin gjithmonë shumë të rëndësishëm për mua. Prandaj, më vonë, gjithmonë jam përpjekur të jap vetë shembullin për të rinjtë që u rritën në të gjitha skuadrat që kam përfaqësuar.
Fatkeqësisht kjo nuk është gjithmonë e mundur dhe ndonjëherë nxehtësia e momentit është më e forte. Tani për tani, thjesht ndjej se duhet të vazhdoj të punoj shumë në Carrington, të mbështes bashkëlojtarët e mi dhe të jem gati për gjithçka në çdo lojë të caktuar.
Të dorëzohem ndaj presionit nuk është një opsion. Nuk ka qenë kurrë. Ky është Manchester United dhe ne duhet të qëndrojmë të bashkuar. Së shpejti do të jemi sërish bashkë”.
