Ritualet e fundit për të përcjellë në varreza të ndjerin po kryhen në banesën e Lear Kurtit në Tiranë. Edhe pse gazetarët janë tentuar që t’i afrohen banesës së 32-vjeçarit, por miqtë e viktimës, nuk e kanë lejuar që të afrohen. Ndërsa pranë banesës janë mbledhur për mort familjarët dhe miqtë e tij. I riu jetonte e të ëmën dhe njerkun e tij.
Lear Kurti humbi jetën pasi u shoqërua nga efektivët në komisariatin nr.3. Policia tha se 32-vjeçari u ndje keq dhe u dërgua në spital ku humbi jetën, ndërsa në deklaratën e Traumës thuhet se Kurti ka shkuar në spital i vdekur.
Ndërsa tani, pas ekspertizës mjeko-ligjore, Prokuroria dhe AMP kanë deklaruar se brenda në stomak kishte një qese plastike që mendohet se kishte brenda lëndë narkotike. Ndërsa sipas tyre, u konstatua se në trupin e viktimës nuk kishte shenja dhune. Por për kryedemokratin Sali Berisha, Kurti u vra nga Policia dhe ngjarja po mundohet që të mbulohet ashtu si rasti i Klodian Rashës, 2 vite më parë, i cili u qëllua për vdekje nga një efektiv politike.
