Sekretari i Përgjithshëm i PD-së Flamur Noka, ka reguar pas vdekjes së 32 vjeçarit Lear Kurti në komisariatin Nr. 3 në Tiranë.
Përmes një postimi në rrjete sociale, Noka shkruan se raportet kontradiktore mes policisë dhe spitalit të Traumës paraqesin të njëjtën mendësi vrastare si në rastin e të riut Klodian Rasha, ndërsa thekson se shteti në vend që të vendosë drejtësi, mbron shpatullat e kriminelëve.
Postimi i plotë:
Hidh e prit. Shteti përgënjeshtron veten.
Policia e Shtetit deklaron se vdiq në spital. Në Spital thonë ka ardhur i vdekur.
Lear Kurti, 32 vjeç, është dërguar në spital pa autoambulancë pasi është dhunuar mizorisht në furgonin e policisë.
Këta vrasës e torturues duhet të përjashtohen përjetë nga Policia e Shtetit dhe të vendosen menjëherë përpara drejtësisë!
E njëjta mendësi vrastare si në rastin e të riut Klodian Rasha.
Edhe atëherë përdorën lloj-lloj sajesash për të baltosur viktimën dhe mbrojtur shpatullat e kriminelit të tyre. E kanë mbushur policinë me kriminelë.
Ngushëllime nënës për humbjen e djalit të vetëm!
