Rasti tragjik i Lolës ka tronditur qytetarët francezë dhe ka përçarë politikën.
Gjatë mbledhjes së qeverisë ditën e mërkurë, ekzekutivi vlerësoi “kurajën” e treguar nga prindërit e 12-vjeçares, që u vra në mënyrë mizore.
Tani, qeveria akuzon të djathtën dhe të djathtën ekstreme se po shfrytëzon ngjarjen. E marta shënoi nisjen e debatit në Parlamentin francez.
“Zonja kryeministre, 100 herë ju kemi pyetur mbi tolerancën ndaj emigracionit. Thirrjeve për të lënë vendin 90 për qind e të interesuarve nuk i përgjigjet”, tha Marine Le Pen, nga e djathta ekstreme.
“Po flisni pas një tragjedie. Le të respektojmë dhimbjen e familjes dhe të lëmë policinë të bëjë detyrën”, u shpreh Elisabeth Borne, kryeministre e Francës.
“Të bësh politikë me vdekjen e një 12-vjeçareje është e turpshme”, theksoi Eric Dupond Moretti, ministër i Drejtësisë.
