Një 25-vjeçar nga Korça është vënë në pranga pasi kishte vjedhur disa produkte ushqimore në një dyqan lagjeje.
“Vihet në pranga 1 shtetas dhe procedohet në gjendje të lirë 1 tjetër, për vepra të ndryshme penale.
Specialistët për Hetimin e Krimeve në Komisariatin e Policisë Korçë bënë arrestimin në flagrancë të shtetasit V. I., 25 vjeç, banues në Korçë, për veprën penale “Vjedhja”, pasi në lagjen nr. 18, Korçë, ka vjedhur produkte ushqimore në dyqanin e shtetasit V. M.– njoftoi policia.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
