Një 28-vjeçar nga Agrinjo ka rënë në prangat e policisë greke në zbulimin e një tjetër rasti të rëndë dhune seksuale dhe psikologjike ndaj të miturve.
Mediat helene raportojnë se në historinë tragjike në Agrinjo, protagonist është Dimitris Kravaritis, i cili ka abuzuar me një djalë 4 vjeç, për të cilin kujdesej nëna e tij, pasi ishte punësuar si dado nga prindërit e fëmijës.
28-vjeçari akuzohet se ka ngacmuar fëmijën, teksa ka qenë ushtar në një zonë aty pranë dhe e ka vizituar shpesh nënën e tij në shtëpinë e familjes që i kishte besuar vogëlushin.
Rasti merr përmasa tronditëse, pasi policia ka zbuluar se kur 52-vjeçarja kuptoi veprimet e turpshme të të birit me 4 vjeçarin, jo vetëm i mbuloi ato, por e lejoi atë të vazhdonte t’i kryente.
Prindërit e katërvjeçarit dyshuan se diçka nuk shkonte kur vunë re një ndryshim në sjelljen e fëmijës së tyre, por edhe kur panë disa nga vizatimet e tij.
Më pas, ata iu drejtuan një specialisti, i cili e kuptoi shumë shpejt se çfarë kishte ndodhur. Ka qenë vera e vitit 2021 kur babai i fëmijës ka denoncuar në polici 52-vjeçaren dhe djalin e saj për abuzime me djalin e tij 4-vjeçar.
Kravaritis është proceduar për akte seksuale ndaj një të mituri, ndërsa rasti është bërë publik nga kampionia olimpike Sofia Bekatorou gjatë një informimi mbi rastet e regjistruara në platformën e Rrjetit Evropian kundër dhunës dhe përfshihet në mesin e 200 dëshmive të tjera të abuzimit.
Në postimin e saj Sofia Bekatorou thekson: “Djali i vogël rrinte në mëngjes në shtëpinë e tij, me një zonjë (dado) 52-vjeçare. Pothuajse në çdo dhomë, përveç tualetit, kishte kamera vëzhgimi. Papritur vumë re një ndryshim të papritur në sjellje, të cilin nuk mund ta kuptonim, duke pasur parasysh se fëmija është plotësisht i sigurt.
Më në fund pas disa kohësh doli se kur dado mbetej vetëm me fëmijën, pa praninë e prindërve, vinte djali i saj, i cili ishte ushtar në një qytet fqinj dhe kryente veprime të turpshme ndaj 4-vjeçarit. Më e keqja ishte se dado, nëna e autorit, i kapi, e mbuloi dhe e lejoi të kthehej në shtëpi herë pas here.
Dadoja ka ushtruar dhunë psikologjike ndaj fëmijës që ai të mos fliste. Më në fund ferri i djalit të vogël ndaloi kur ai u shpreh përmes pikturës dhe përshkroi gjithçka që ndodhte në shtëpi dhe përfshinte si dadon ashtu edhe djalin e saj të keq. Pas vizatimit të parë, fëmija është ekzaminuar nga psikiatër fëmijë me përvojë dhe ankesa është bërë pranë autoriteteve.
