Në ambientet e selisë blu sapo ka nisur mbledhja e grupit parlamentar të Partisë Demokratike.
Kryetari i PD-së, Sali Berisha ka thirrur sot një takim me ligjvënësit demokratë ku ajo që bie në sy është edhe prezenca e Xhelal Mziut i cili pak kohë më parë ishte pjesë e grupit të Enkelejd Alibeajt.
Pasi mori detyrën nga PD, si kreu i grupit të punës për Dibrën, Xhelal Mziu i bashkohet për herë të parë një mbledhjeje të Grupit Parlamentar të drejtuar nga Boçi.
Ish-kryeministri Sali Berisha ka paralajmëruar ditën e djeshme se pas konsultimeve me kryetarët e degëve do të vendoset për protesta të cilat do të rikthejnë shpresën tek shqiptarët.
