Kreu i Partisë së Lirisë, Ilir Meta e ka nisur ditën e sotme duke takuar Koordinatorin për Universitetet dhe Studentët, Kristian Kina.
Ish-presidenti ka publikuar në rrjetet sociale një fotografi nga takimi dhe ka siguruar Kristian Kinën se Partia e Lirisë me të mbërritur në pushtet do të ofrojë mbashtetje maksimale për arsimin në Shqipëri.
Më tej Meta shkruan se “investimi më strategjik për Partinë e Lirisë në të ardhmen do të jetë për arsimin dhe të rinjtë”.
“Kënaqësi ta nisja sot punën duke takuar Koordinatorin për Universitetet dhe Studentët, Kristian Kina. E sigurova se mbështetja e Partisë të Lirisë do të jetë maksimale sot në opozitë dhe nesër në qeverisje. Për ne nuk ka Zhvillim pa Arsim. Investimi më strategjik për ne do të jetë për arsimin dhe të rinjtë!”, shkruan Meta.
Kujtojmë që dy liderët e opozitës, Ilir Meta dhe Sali Berisha i kanë dalë në mbështetje kauzës së pedagogëve të cilët kanë bojkotuar vitin e ri akademik deri sa qeveria të plotësojë disa kushte mes tyre dhe më e rëndësishmja rritja e rrogave të jetë në të njëjtin nivel me vendet e tjera të rajonit.
