Deputeti socialist, Blendi Klosi komentoi në emisionin Now në Euronews Albania zërat se Dritan Leli po punon kundër PS në Vlorë.
Në një intervistë për Euronews Albania Klosi e mohoi kategorikisht, duke theksuar se nuk ka asnjë indicie për këtë.
Klosi tha se Partia Socialiste e ka qeverisur për 30 vjet Vlorën dhe do ta qeverisë prapë, duke shtuar se Vlora do të qeveriset nga një vlonjat siç është bërë deri më sot.
Ai pranoi se ka një distancim të PS, kryeministrit Edi Rama dhe të vlonjatëve nga kryebashkiaku Dritan Leli por shtoi se PS është krenare se si e ka qeverisur Vlorën.
