Mike Maignan është gati të rikthehet mes shtyllave. Portieri i Milanit mungoi në 5 ndeshjet e fundit të kampionëve të Italisë për shkak të një dëmtimi dhe duket se tashmë gjithçka është lënë mbrapa.
Ka qenë vetë futbollisti që i ka bërë me dije trajnerit Pioli se ndihet mirë dhe është në gjendje për të kontribuar për skuadrën. Vendimi përfundimtar i takon teknikut, i cili për momentin nuk dëshiron të rrezikojë shumë, nëse “gardiani” nuk është në 100 % të formës.
Ndeshja e radhës për Milanin është me 22 tetor në shtëpi ndaj modestëve të Monzës, e më pas menjëherë e ka radhën Champions League me “Djallin” që duhet të udhëtojë për në Kroaci për të marrë maksimumin ndaj Dinamos së Zagrebit.
