Këtë të hënë u mbaj në Itali ceremonia klasike e ndarjes së çmimeve për sezonin e fundit të Serisë A. Në një mbrëmje gala, Federata Italiane e Futbollit zgjodhi më të mirët e saj ku në qendër ishin kampionët në fuqi të Milanit.
Kuqezinjtë ishin skuadra që fitoi më shumë dekorata. U zgjodhën klubi më i mirë i vitit, Stefano Pioli u vlerësua si trajneri më i mirë dhe Rafael Leao si lojtari më i mirë i sezonit. Futbollisti portugez spikati me golat e tij dhe, me klasin që e karakterizonte, në çdo ndeshje ishte një nga protagonistët kryesorë në fitimin e titullit për kuqezinjtë.
Nga ana tjetër, Theo Hernandez u vlerësua për golin më të bukur, për atë perlë që francezi realizoi ndaj Atalantës. Portieri më i mirë u shpall Mike Magnin, i cili me pritjet e tij mbajti në shumë ndeshje portën e paprekur.
Sa i përket 11 titullarëve më të mirë në kampionatin italian, me skemën 4-3-3, portën e mbron Gardiani i Milanit, përpara tij është katërshja Di Lorenzo, Bremer, Tomori dhe Theo Hernandez. Mesfusha Barrela Brozovic, Savic, ndërsa sulmi Vlahovic, Imobile dhe Leao. Sa i përket çmimeve të tjera, Gatti ishte lojtari më i mirë në Serinë B, Orsato arbitri më i mirë ndërsa Lisa Boattin u vlerësua si futbollistja më e mirë femër.
