Partizani ka aktivizuar më shumë se 22 lojtarë deri më tani në këtë sezon të Kategorisë Superiore, kur janë luajtur vetëm tetë javë. Ky është një tregues shumë i mirë, që tregon se ka bollshmëri në stol dhe lojtarë të aftë të bëjnë po aq mirë sa titullarët, por ka edhe efektet e veta anësore.
Deri më tani, të vetmit lojtarë që i kanë nisur të gjitha ndeshjet si titullarë janë vetëm katër: Rexhepi, Bitri, Hadroj dhe Skuka. Kjo tregon se gjatë këtyre javëve të kuqtë nuk kanë mundur të krijojnë një bosht, sidomos për sulmin, ku herë pas here shohim treshe të ndryshme.
Dëmtimet gjithashtu e kanë penguar stafin teknik që të krijojë një ide të qartë mbi lojtarët, që konsiderohen titullarë absolutë.
