Viti i ri akademik në Shqipëri nis me degë të mbyllura, mungesë stafi dhe protesta

Në Universitetin e Gjirokastrës “Eqrem Çabej”, për herë të parë në auditorët e tij do të ulen 350 studentë, shifër kjo e njëjtë krahasuar me një vit më parë. Universiteti i Gjirokastrës numëron në total 1500 studentë, numër ky shumë i ulët në raport me numrin e popullsisë. Degët më të preferuara prej studentëve janë ekonomiku, infermieria si dhe programet dy vjeçare.

Ky vit akademik nuk nis vetëm me degë të mbyllura dhe mungesë të stafit akademik, por edhe me protesta. Pedagogët kanë njoftuar se sot me nisjen e vitit akademik do të jenë në Univeristete nga ora 08:00 deri në orën 10:00, ku do të mirëpresin studentët e vitit të parë dhe më pas do të vijojnë protestën e tyre.

Pedagogët kanë nisur tashmë bojkotin pa afat ndaj vitit të ri akademik. Vendimi ka ardhur pasi qeveria, nuk është përgjigjur kërkesave të tyre për rritjen e rrogave me 30% dhe më pas 20% një vit më vonë.

Kërkesat e pedagogëve:

-Rritja e pagave për pedagogët dhe stafin ndihmës.

-Rritja e financimit për kërkimin shkencor.

-Rivendosja e shtesave mbi pagë për ‘Dëshmi shëndeti në punë’.

-Rritja e shtesës mbi pagën për vjetërsinë në punë.

-Rritja e pagesës së orëve të ngarkesës suplementare.

-Rivlerësimi i orës mësimore pas ka zbritje prej 50% të pagesës së orës mësimore si rezultat i mosfierencimit të orës mësimore të leksionit.

-Rishikimin e tatimit prej 23% mbi pagesën e ngarkesës suplementare.

-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.

-Të bëhet transparencë mbi buxhetin dhe të ardhurat e universitetet publike