Edison Ndreca, mbrojtësi i Kukësit, nuk i ka përmbajtur dot emocionet e tij në pushimin e ndeshjes ndaj Erzenit. Ai sapo ishte ndëshkuar me karton të verdhë dhe nuk ka ngurruar që të deklarojë se gjyqtari i sfidës, Laver Alla, po gabonte me mënyrën se si po drejtonte ndeshjen.
“Nuk e kuptoj mo vlla, me gjithë këto faulle”, iu kthye ai intervistuesit. “Faulle njëri pas tjetrit. Me gjithë këto po bën edhe tifozerinë të irritohet edhe më tepër se jep faulle, faulle, faulle, ndëshkon me kartonë.
Unë ndërkohë në rastin e fundit nuk e kam prek fare mo vlla. Nuk e di, nuk e di, ishalla po përmirësohet në pjesën e dytë arbitrimi. po me këtë lloj arbitrimi nuk e di…”, tha lojtari në pushimin e ndeshjes.
Aktualisht po luhet minuta e 72-të e sfidës Erzeni-Kukësi me verilindorët që kryesojnë 0-2.
