Gjykata e Korçës ka lënë në burg Martina Pajollarin, e cila dyshohet se është bashkëpuntore e autorëve të vrasjes së Martin Çeços, me të cilën ajo dyshohet se kishte lidhje paralele.
Ndaj saj u caktua masa e sigurisë “arrest me burg”, nga trupa gjykuese që kryesohej nga gjyqtari Besnik Shehu.
Pajollari u arrestua nga policia e Korçës, 4 muaj pas vrasjes së Martin Çeços, 26-vjeçarit me të cilin ishte në një lidhje në fshatin Kolanec të Maliqit.
Nga deklaratat e saj në polici ajo në një moment ka pranuar që ndodhej në vendngjarje në momentin kur është kryer krimi. Për këtë çështje tre shtetas janë vënë pas hekurave më parë, Valter Mollaj, Edlir Mollaj dhe Blenti Angjo janë të dyshuarit kryesor.
Martina Pajollari në seancën e sotme ka mohuar gjithcka lidhur me vrasjen e Martin Çeços. Burime të sigurta thanë se Martina Pajollari është shprehur ne seancë se nuk ka asnjë lidhje me ngjarjen madje ka shkuar më tej kur tha se gjithcka ka thënë para grupit të hetimit e ka bërë nën presionin e Policisë.
