Kievi është goditur mëngjesin e sotëm nga sulmet me “drone kamikaze” Geran-2, të cilët Rusia i ka përftuar nga marrëveshja për blerjen e armëve me Iranin.
Kështu deklaroi herët në mëngjes shefi i kabinetit të presidencës ukrainase, Andriï Iermak, pas një sërë shpërthimesh që tronditën rrethin e Shevçenkovit, në qendër të kryeqytetit.
“Rusët mendojnë se kjo do t’i ndihmojë ata të fitojnë luftën, por kjo vetëm tregon dëshpërimin e tyre“, tha ai.
Dy shpërthimet në lagjen Shevchenkiv shkaktuan edhe zjarr në një ndërtesë jo-rezidenciale.
🇷🇺🇺🇦 Morning in Kiev pic.twitter.com/tvqtvfZu2O
— Prateek🎧 (@PrateekRoutray) October 17, 2022
Kryetari i bashkisë së Kiveit, Vitaliy Klitschko tha për mediat: “Zjarrfikësit janë duke punuar. Disa ndërtesa banimi janë dëmtuar. Mjekët ndodhen në vendngjarje. Po sqarojmë informacionet për viktimat e mundshme. Qëndroni në strehimore“.
Ndërkohë, media raporton se në total 9 shpërthime rjanë regjistruar në Kiev.
In Kiev, another blow was struck in the same place where it had already been hit – new explosions reported
Repeated explosions in Kiev. The footage published by eyewitnesses shows that the work of Rus drones is carried out almost in a jewelry manner – explosion after explosion pic.twitter.com/Uvwc0iPALC
— Prateek🎧 (@PrateekRoutray) October 17, 2022
Sipas korrespondentit të TheGuardian, nëntë shpërthime u dëgjuan në qendër të kryeqytetit ukrainas, disa prej të cilave ndodhën pranë stacionit qendror hekurudhor.
Sipas agjencisë shtetërore ruse të lajmeve Tass, e cila citon mediat ukrainase, shtëllunga tymi po ngrihen mbi zyrën qendrore të kompanisë kombëtare të energjisë ukrainase “Ukrenergo”.
Second explosion in kiev pic.twitter.com/MGWiD1Wa2U
— multipolar world order !!🇳🇬🇷🇺🇳🇬🇷🇺 (@TobiAyodele) October 17, 2022
Sakaq, sirena paralajmëruese ajrore janë dëgjuar edhe në Odessa, pasi më herët pati një shpërthim.
Sipas raportimeve të stacionit televiziv ukrainas “Suspilne”, “një shpërthim bëri jehonë në Odessa“, megjithëse aktualisht nuk ka komente zyrtare nga autoritetet lokale.
