Sapo doli nga ambientet e Gjykatës së Korçës, Martina Pajollari, ka shpërthyer në lot pasi ditën e sotme togat e zeza vendosën masën e sigurisë “arrest me burg” ndaj saj.
18-vjeçarja akuzohet si bashkëpunëtore në vrasjen e Martin Çeços, me të cilën ajo dyshohet se kishte lidhje paralele. Në ambientet e jashtme të Gjykatës, e reja u pyet nga gazetarët “A i pranoni akuzat?”, por në atë moment Martina Pajollari shpërtheu në lot dhe heshti para kamerave. Ndërsa në seancë, Martina Pajollari ka mohuar të ketë lidhje me ngjarjen, duke thënë se gjithçka ka deklaruar para grupit të hetimit e ka bërë nën presionin e Policisë.
Momenti VIDEO kur Martina Pajollari shpërthen në lot:
Ndërkohë nëna e Tina Pajollarit bëri apel që vajza e saj të lirohet sa më shpejt, duke theksuar se edhe dy djemtë e akuzuar nuk kanë lidhje në vrasjen e Martinit.
“Kam 4 fëmijë nëna jam e sëmurë, si e ka të dashur Altinin ai e ka si çupë, është e pafajshme, burri i sëmurë e kërkon. Na kanë kërcënuar, policia e futi çupën aty paraburgim. Na kanë rënë në qafë kot, të tre janë të pafajshëm. E kam dhëndrin këtu, ka dy javë që është martuar. Është andej nga Vlora”-u shpreh e ëma ps vendimit të Gjykatës.
Ngjarja:
Nga hetimet Prokuroria ka krijuar dyshime të forta se kjo shtetase e ka nxjerrë në pritë 26-vjeçarin, natën kur u ekzekutua disa kilometra pranë fshatit, tek një rezervuar, ku u inskenua dhe vetëvrasja e Martin Çeços. Ishte Martina Pajollari e cila u pyet e para në Polici dhe tregoi se vrasjen e kreu Valter Mollaj i mbështetur nga Edlir Mollaj dhe i shoqëruar nga bariu i tij Blenti Angjo.
Valter Mollaj dyshohet se kishte lidhje jashtëmartesore me 18-vjeçaren dhe ishte bërë xheloz për komunikimet mes kësaj të fundit dhe viktimës në rrjetet sociale.
Martina Pajollari u vendos në pranga 5 muaj pasi trupi i pajetë i të riut u gjet në një rezervuar në fshatin Kolanec të Korçës.
