Moti i keq ka përfshirë Kretën mëngjesin e së shtunës.
Protothema shkruan se moti i keq i mori jetën një babai 50-vjeçar. Rrugët u kthyen në “lumenj”, prona dhe dyqane u shkatërruan, ndërsa në të njëjtën kohë ankthi po arrin kulmin pasi një grua është shpallur e zhdukur.
50-vjeçari u gjet i vdekur në makinën e tij që u bllokua në kanalin e përmbytjes.Ndërsa një grua e cila kishte shkuar në punë, rezulton e zhdukur. Në kërkimin e saj janë përfshirë edhe zhytës dhe operacioni është shtrirë edhe në det.
Ekipet e shpëtimit po kërkojnë gjithashtu persona të bllokuar brenda makinave që janë larguar. Qindra telefonata janë marrë nga zjarrfikësit që nga mëngjesi i djeshëm kur filloi reshjet e shiut.
